ånsitz - Schihittn & Sunnterrassn

Direkt ba da Bergstation Ochtajet in Flochau

Mittn drei im Schigebiet Snow Space Soizburg, genau ba da Ochta-Berg in Flochau is insa Schihittn Ositz am Griassnko. Aussa da Hittn gibs a no a fesche Sunnterassn mit Liegestui, und insa bekonnte Ötzibar wo a jeda Schifora zui muas.

Insare ånsitz-Haggla sand jung oda zumindest jung blibn, oafoche Leitl, dia euwei mit an Schmeh auf insare Gäst schaun. Des mochtn Ositz so bsundas aufn Berg.

Wei de schiforarei zaumiad mocht, is wichtig, das ma hia und dou pausiert und aufa Hittn zuakehrt. Da Ositz hout eus, wous a miada Schifora braucht, damits boid wieda weidageh ko. Mia kaffn vi regionale Sochn, oft direkt vo de Bauan. So kimb es Rindfleisch vom Jandlbauer - meina Hoamat, und es Wiedfleisch aus insara Jogd. - Euso schau vorbei und "Iss wous richtig gscheids"

Wichtig i da heitign Zeit: Gratis Wlan

Mia gfrein ins auf enkan Bsuach!
Da Wirscht Sepp und seine Manda (und Mandarinen)

Zur Speiskoascht - zum ånschaun

[ ånsitz, der: ]

Jagaschprouch ve: es Vasteck vom Jaga, wo a aufs Wied passt.

[ ån|sit|zen: ]

Jagaschprouch ve: aufs Wied wo passn.

Da Hittnwiascht Sepp is a Jaga der im Suma vi Zeit zan jagan hout - hoast er is oft am Ositz. Und wei a im Winta vi Zeit in seina Hittn ve seine Gäst dou is, is da Hittnnomm Ositz entstondn.

[ åntragn & ånstelln ]

Frische Speisen im Ansitz in Flachau © Adobe Stock

In insara Hittn houst du de Woi:

[ åntragn ] - insare bravn Keina kemman zudir zan Tisch und du bstöst, oda
[ ånstelln ] - du hoist da dei Essn direkt vo da SB oda vom Grill - dou bist am schneistn wida auf da Pistn.

[ Ötzi-Bar ]

...is da Treffpunkt nouch an onstrengendn Schitoug, um am Berg no a Schnapsei zdrinkn

kischzesta Weiig vom Kafingschwung zan Einkehrschwung - glei ba da Pistn!
Fleiing Hirsch, hoasse Witwe, Oachkatzlschwoaf ... dou findst a du dei Lieblingssaftl!
Insare Longzeitbuttla sand a no ve de Gaudi und a botzn Stimmung zuaständig!
De guade Stimmung wirscht mit fetziga Apre-Musi, oba a mitana gmiatlichan Loschmusi gmocht!
Kimm eina und bleib a Poisei...

Eine Runde Seidl in der Ötzibar in Flachau

Nagelstock beim Après Ski im Ansitz in Flachau

weißer Spritzer in der Ötzibar in Flachau

Ötzibar an der Bergstation Achterjet im Snowspace Salzburg

Luftaufnahme Ansitz & Ötzibar am Grießenkar in Flachau

Schifon in Flochau

[ ånfahrn ]

Insa Hittn is im bekonntn Schigebiet Flochau. Flochau is im Zentrum vo Snou Späs Soizburg, en bestn Schivabund Östareichs.

Insa Tip: Gratis Liegestui ve de Nidschifora und Sunnliega.

Direkt vor da Hittn is da Treffpunkt vo de Schischuin und da Zaubateppich, wo deine Kinda schifon lernan und du zuaschou kost.

De 8a-Tschet is barrierefrei. Des hoast Du kost mitn Roistui oda mitn Kindawougn oafoch zu insara Hittn kemma. Insa Terrassn und da SB- Bereich sand a barrierefrei.

Zum Pistenpanorama